धनगढी,७ असार । सुदूरपश्चिममा लागूऔषध व्युरोले सुदूरपश्चिममा हालसम्मै ठूलो परिमाणको लागूऔषध बरामद गरेको छ। कञ्चनपुरको पुनर्वास नगरपालिका–६ स्थित सम्राट होटलबाट प्रहरीले ठूलो परिमाणको खैरो हेरोइनसहित दुई जनालाई पक्राउ गरेको हो।
विशेष सूचनाको आधारमा खटिएको प्रहरी टोलीले उनीहरूलाई सोमबार साँझ नियन्त्रणमा लिएको हो। पक्राउ पर्नेमा दार्चुलाको महाकाली नगरपालिका–३ का ४२ वर्षीय नरसिंह महरा र पुनर्वास नगरपालिका–६, ङ गाउँका ५० वर्षीय दीपक विसी रहेका छन्। प्रहरीका अनुसार सम्राट होटलको कोठामा शंकास्पद रूपमा बसेका उनीहरूको साथमा चेकजाँच गर्दा महराको झोलाभित्र सेतो प्लास्टिकमा बेरिएको ५ वटा पोका फेला परेको थियो।
बरामद पदार्थको शुद्ध तौल २७३.२६ ग्राम रहेको र ती पोका अवैध लागुऔषध ९खैरो हेरोइन० भएको प्रारम्भिक परीक्षणबाट पुष्टि भएको प्रहरीको भनाइ छ। उनीहरूलाई लागुऔषध सम्बन्धी मुद्दामा थप अनुसन्धानका लागि इलाका प्रहरी कार्यालय त्रिभुवनबस्तीमा बुझाइएको छ।
सिफारिस
सुदूरपश्चिम सरकार आगामी आर्थिक वर्षको बजेट निर्माणमा जुट्यो
दार्चुला–तिङ्कर सडकको १८ किलोमिटर ट्र्याक खुल्यो, बजेट अभाव मुख्य चुनौती
धनगढीबाट ६ जना जुवाडे पक्राउ
About Us
© 2026 Ramaroshan. Made with By MU Computer Institute

