सुदूरपश्चिमका मुख्यमन्त्री शाहले गरे योजना अनुगमन

धनगढी, २६ असार । सुदूरपश्चिम प्रदेशका मुख्यमन्त्री कमलबहादुर शाहले कञ्चनपुरको दक्षिणी क्षेत्रमा विभिन्न योजनाको अनुगमन गरेका छन ।

बुधबार उनले प्रदेश सरकारको लगानीमा निर्माण भएका र निर्माणाधीन योजनाको अनुगमन गरेका हुन । मुख्यमन्त्रीले पुनर्वास नगरपालिकास्थित प्याराताल, दिव्यधाम, कोटिहोम, बेलौरी नगरपालिकामा पर्ने बन्दाताल, भकुन्डास्थित रानाथारू सङ्ग्रहालय लगायतका योजनाको अनुगमन गरेका थिए ।

सो क्रममा उनले बेलौरीमा रहेको कालिका मन्दिर र कालेश्वर मन्दिरको दर्शन गरेको अनुमगन टोलीमा सहभागी प्रदेश सभा सदस्य दिवानसिंह विष्टले जानकारी दिए ।

मुख्यमन्त्रीसँग अनुगन टोलीमा सामाजिक विकासमन्त्री मेघराज खड्का, प्रदेश सभा सदस्य विष्टसहित विक्रमसिंह धामी, शिवराज भट्टलगायतको सहभागिता रहेको थियो ।