भू–उपयोग क्षेत्र वर्गीकरण नगर्दा दार्चुलाका ८ पालिकाको कित्ताकाट रोकियो

धनगढी,११ साउन । दार्चुलामा नौगाड गाउँपालिका बाहेकका अन्य ८ पालिकामा जमीनको कित्ताकाट रोकिएको छ । स्थानीय तहहरुले भू–उपयोग क्षेत्र वर्गीकरण नगर्दा साउन १ गतेबाट ८ ओटा पालिकाको कित्ताकाट रोकिएको नापी कार्यालय दार्चुलाका प्रमुख टिकेन्द्रसिंह धामीले बताए ।

भू–उपयोग नियमावली २०७९ को नियम ५ बमोजीम स्थानीय तहको भू उपयोग परिषदले भू उपयोग ऐन २०७६ बमोजीम भू उपयोग क्षेत्रको वर्गीकरण गर्नुपर्ने हुन्छ ।

सरकारले २०८१ भदौ २७ मा भू–उपयोग नियमावली, २०७९ दोस्रो पटक संशोधन गर्दै जग्गा वर्गीकरण गर्न पालिकालाई २०८२ असारसम्म समय दिएको थियो ।

तर नौगाड गाउँपालिका बाहेक अन्य ८ ओटा स्थानीय तहले भू–उपयोग क्षेत्र वर्गीकरण नगरेको नापी कार्यालय प्रमुख धामीले बताए ।