दार्चुलाबाट चितुवाको छालासहित एक जना पक्राउ

धनगढी,२८ साउन । दार्चुलामा चितुवाको छाला सहित एक जनालाई प्रहरीले पक्राउ गरेको छ । जिल्लाको शैल्यशिखर नगरपालिका –३ कर्कले बाट चितुवाको छाला सहित एक जना पुरुष लाई प्रहरीले पक्राउ गरेको हो ।

पक्राउ पर्नेमा बैतडी जिल्ला पुचौर्डी नगरपालिका वडा ७ का ५० वर्षिय भान सिह ऐर रहेको जिल्ला प्रहरी कार्यालय दार्चुलाका प्रमुख प्रहरी नायब उपरीक्षक डिएसपी प्रकाश दाहालले जानकारी दिए ।

प्रहरी नायब उपरीक्षक दाहालका अनुसार जिल्ला प्रहरी कार्यालयबाट खटिएको प्रहरी टोलीले चितुवाको छाला सहित उनलाई नियन्त्रणमा लिएको हो । पक्राउ परेका ऐर माथि थप अनुसन्धान भइरहेको बताइएको छ ।