दार्चुलाको दुहु गाउँपालिका– ३ को वडा कार्यालयमा अज्ञात समूहद्धारा आगजनी

धनगढी । जिल्लाको दुहु गाउँपालिका–३ को वडा कार्यालयमा आगजनी गरिएको छ । बिहीबार राति अज्ञात समूहले वडा कार्यालयमा आगजनी गरेको वडाध्यक्ष देवबहादुर बमले बताए ।

वडाध्यक्ष बमका अनुसार आगजनीबाट वडा कार्यालयमा रहेका सम्पूर्ण सामान जलेर नष्ट भएका छन् । स्थानीयहरुले बिहान आगो नियन्त्रणमा लिने प्रयास गरे पनि कार्यालयमा रहेका सबै सामानसहित कागजपत्र जलेका उनले बताए ।

आगजनीबाट वडा कार्यालयका फर्निचर, कागज पत्र, सिलाई मेशिन, कम्प्युटर लगायत काठका झ्याल ढोका जलेर नष्ट भएका छन् । उनले आगजनीबारे प्रहरीलाई पनि जानकारी गराएको बताए ।