सुशीला कार्कीको शपथलगत्तै शीतल निवासमै पहिलो मन्त्रिपरिषद् बैठक बस्ने तयारी

 काठमाडौं / पूर्वप्रधानन्यायाधीश सुशीला कार्कीलाई प्रधानमन्त्री बनाउने सहमति भएको छ। शीतल निवासमा भएको छलफलमा कार्कीलाई प्रधानमन्त्री बनाउने सहमति भएको हो।

स्रोतका अनुसार कार्कीको शपथ आजै राति ९ बजे हुने भएको छ।

छलफलमा संसद् विघटन गर्ने सहमति भएसँगै राष्ट्रपति रामचन्द्र पौडेलले कार्कीलाई प्रधानमन्त्री नियुक्त गरी शपथ खुवाउने तयारी गरेका हुन्।

उनले शपथ ग्रहण गरेपछि शीतल निवासमै पहिलो मन्त्रिपरिषद् बैठक बस्ने तयारी गरिएको छ। बैठकको सिफारिसमा राष्ट्रपतिले संवैधानिक विशेषअधिकारअनुसार संसद् विघटन गर्ने स्रोतले जनाएको छ।

भदौ २३ र २४ गतेको जेनजी आन्दोलनको दबाबपछि प्रधानमन्त्री केपी शर्मा ओलीले मंगलबार राजीनामा दिएका थिए।