टी– २० विश्वकप छनोटमा आज नेपाल यूएईसँग प्रतिस्पर्धा गर्दै

धनगढी । ओमानमा जारी टी– २० विश्वकप एसिया तथा इस्ट एसिया प्यासिफिक छनोटअन्तर्गत सुपर सिक्समा नेपालले आज यूएईसँग प्रतिस्पर्धा गर्दै छ । यो खेल नेपाली समयअनुसार आज दिउँसो ४:१५ बजे हुनेछ ।

यूएई समूह ‘ए’ र नेपाल समूह ‘बी’को विजेता हुँदै सुपर सिक्समा पुगेका हुन् । यी दुवै प्रतियोगिताका अपराजित टोली हुन् । त्यसअघि बिहान ११:४५ बजे सुपर सिक्सको पहिलो खेलमा ओमान र कतार प्रतिस्पर्धा गर्दै छन् ।

तीन समूहबाट सुपर सिक्समा परेका टोलीमध्ये सुपर सिक्सका खेलपछि शीर्ष तीन टोली आगामी वर्ष भारत र श्रीलंकामा हुने टी– २० विश्वकपका लागि छनोट हुनेछन् ।