बैतडीका कृष्णानन्दभट्टको तीन तले घरमा आगलागी

धनगढी । बैतडीको दोगडाकेदार गाउँपालिका– ७ चडेपानीका कृष्णानन्द भट्टको घरमा आगलागी भएको छ । सोमबार साँझ भट्टको तीन तले १२ कोठे घरमा आगलागी भएको हो ।

घरको माथिल्लो तलामा रहेको भान्सा कोठाबाट आगलागी सुरु भएको जिल्ला प्रहरी कार्यालय बैतडीका निमित्त प्रमुख प्रहरी निरिक्षक बल्देव बडुले जानकारी दिए । उनका अनुसार आगलागीबाट घरको तीन कोठामा क्षति पुगेको छ । यद्यपी क्षतिको एकिन विवरण आउन बाँकी रहेको बताईएको छ ।

प्रहरी र स्थानीयबासिन्दाको सहयोगमा राति १२ बजेमात्रै आगलागी नियन्त्रणमा लिन सकिएको प्रहरी निरीक्षक बडूले बताए ।