अछाम कारागारका कैदीबन्दीलाई सीपमुलक तालिम

धनगढी ।अछाममा कारागारका कैदीबन्दीहरुलाई सीपमुलक तालीम दिईएको छ । जिल्ला कारागार अछाममा रहेका कैदीबन्दीहरुलाई सीप सिकाउने उद्देश्यले अगरबत्ति उत्पादन सम्बन्धी तालिम दिईएको हो ।

कारागारमा यही कात्तिक १८ गतेदेखि सात दिने सीप विकास तालिम सञ्चालन गरिएको घरेलु तथा साना उद्योग कार्यालय अछामका प्रमुख भीमबहादुर सिंहले बताए ।

घरेलु तथा साना उद्योग कार्यालय अछामको आयोजनामा तालिम सञ्चालन गरिएको बताउदै उनले अहिले कारागारमा रहेका कैदीबन्दीमध्ये १५ जनालाई तालिम दिइएको बताए । उनका अनुसार कार्यालयले कैदीबन्दीको मागबमोजिम विभिन्न सीप विकास तालिम सञ्चालन गरेको हो ।