बालेन शाहको चुनावी अभियान टोलीका एक सदस्य बेहोस, उद्घारका लागि हेलिकप्टर आउदै

अछाम, १६ माघ / अछाम पुगेका राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहको चुनावी अभियान टोलीका एक सदस्य बेहोस भएका छन्।

अछामका प्रमुख जिल्ला अधिकारी यज्ञबहादुर बुढाका अनुसार बालेनसँगै अछाम आइपुगेका नुवाकोट घर भएका ४३ वर्षीय दिनेश सिटौला बिरामी परेका हुन्। उनका अनुसार सिटौला आज बिहान एक्कासि बेहोस भएपछि अस्पताल भर्ना गरिएको छ। तर थप उपचारका लागि उनलाई काठमाडौँ लाने तयारी भइरहेको छ।

त्यसका लागि सुर्खेतबाट नेपाली सेनाको हेलिकप्टर उद्धारका लागि अछाम मगाइएको छ। उनका अनुसार सिटौला आज बिहान एक्कासि बेहोस भएपछि अस्पताल भर्ना गरिएको हो।

थप उपचारका लागि काठमाडौँ लान सुर्खेतबाट नेपाली सेनाको हेलिक्प्टर उद्धारका लागि अछाम उडेको छ।बालेनको अछाममा चुनावी अभियान सकेर आजै कर्णाली प्रदेशको दैलेख जिल्लाका विभिन्न स्थानमा सहभागी हुने कार्यातालिका छ।