धनगढी/आसन्न प्रतिनिधि सभा सदस्य निर्वाचनलाई लक्षित गर्दै नेपाल–भारत सीमा सुरक्षालाई प्रभावकारी बनाउने उद्देश्यले सशस्त्र प्रहरी बल, नेपाल र सशस्त्र सीमा बल, भारतबीच बाहीनी स्तर ९डिआईजी तह० को समन्वयात्मक बैठक भारतको चम्पावतमा सम्पन्न भएको छ।
समन्वयात्मक बैठकमा सहभागी हुन सशस्त्र प्रहरी बल, नेपाल नं। ७ वैद्यनाथ बाहिनी मुख्यालय अत्तरियाका निमित्त बाहिनीपति सशस्त्र प्रहरी वरिष्ठ उपरीक्षक दिग विजय सुवेदी आफ्नो प्रतिनिधिमण्डलको नेतृत्व गर्दै चम्पावत पुगेका थिए।
बैठकमा फाल्गुण २१ गते हुने प्रतिनिधि सभा सदस्य निर्वाचनका सन्दर्भमा सीमा क्षेत्रमा हुनसक्ने अवैध घुसपैठ, चोरी निकासी तथा लागुऔषध ओसारपसार नियन्त्रणका विषयमा विस्तृत छलफल भएको स्रोतले जनाएको छ। निर्वाचनको मौन अवधिभर सीमानाका ‘सिल’ गर्ने तथा निर्वाचन विरोधी तत्वको सम्भावित गतिविधि रोक्न प्रभावकारी समन्वय गर्ने विषयमा पनि सहमति जुटाइएको छ।
यसका साथै सीमा क्षेत्रमा हुने अवैध तथा गैरकानुनी गतिविधिको सूक्ष्म निगरानी गर्दै आवश्यक सूचनाको आदानप्रदान गर्ने, त्यस्ता गतिविधिलाई पूर्ण नियन्त्रणमा लिन संयुक्त प्रयास गर्ने तथा विपद् व्यवस्थापनका सन्दर्भमा समन्वय गरी विभिन्न प्रकृतिका विपद् सिमुलेशन अभ्यास सञ्चालन गर्ने विषयमा समेत छलफल भएको जनाइएको छ।
बैठकमा निर्वाचनका समयमा देखिन सक्ने सुरक्षा चुनौतीलाई सम्बोधन गर्न संयुक्त तथा समानान्तर सीमा गस्ती सशक्त बनाउने, सुरक्षा व्यवस्थालाई थप चुस्त–दुरुस्त पार्ने तथा तेस्रो देशका नागरिकको अनाधिकृत प्रवेश नियन्त्रण गर्ने विषयमा जोड दिइएको छ। साथै लागुऔषध ओसारपसार, मानव बेचबिखन, जाली नोट कारोबार, हतियार तथा नगद तस्करी नियन्त्रणका लागि निरन्तर र घनिष्ठ सहकार्य गर्न दुवै पक्षले आ–आफ्ना मातहतका युनिटलाई आवश्यक निर्देशन दिने विषयमा समेत छलफल भएको छ।
भारतीय पक्षबाट सिमा सुरक्षा बल सेक्टर हेडक्वाटर अल्मोरा र सिमा सुरक्षा बल सेक्टर हेडक्वाटर पिलिभितका डिआईजीद्वय सुधान्सु नौटियाल र अनिल कुमार शर्मा सहित सुदूरपश्चिम प्रदेशसँग सीमा जोडिएका क्षेत्रका भारतीय समकक्षी अधिकारीहरुको उपस्थिति रहेको थियो।
नेपाली प्रतिनिधिमण्डलमा सशस्त्र प्रहरी बल, नेपाल कैलालीका गणपति सशस्त्र प्रहरी उपरीक्षक खुमबहादुर केसी, कञ्चनपुरका गणपति सशस्त्र प्रहरी उपरीक्षक प्रेमप्रकाश सिग्देल, दार्चुलाका गणपति सशस्त्र प्रहरी उपरीक्षक गुणराज न्यौपाने तथा बैतडी र डडेल्धुराका गुल्मपतिहरु सशस्त्र प्रहरी नायब उपरीक्षकद्वय जङ्गबहादुर कुँवर र प्रकाशचन्द्र भट्ट सहभागी रहेका थिए।
नं। ७ वैद्यनाथ बाहिनी मुख्यालयका सूचना अधिकारी सशस्त्र प्रहरी उपरीक्षक लोकेन्द्र भट्टका अनुसार सशस्त्र सीमा बल, भारत र सशस्त्र प्रहरी बल, नेपालबीच केन्द्रीय, प्रदेश तथा जिल्ला स्तरमा यस्ता समन्वयात्मक बैठकहरु नियमित रुपमा हुँदै आएका छन्।
२०८२
चैत्र
२१ गते
सुदूरपश्चिम सरकार आगामी आर्थिक वर्षको बजेट निर्माणमा जुट्यो
२०८२
चैत्र
२१ गते
दार्चुला–तिङ्कर सडकको १८ किलोमिटर ट्र्याक खुल्यो, बजेट अभाव मुख्य चुनौती
२०८२
चैत्र
२१ गते