२७ दिनपछि इनिशाको शव बुझ्न आफन्त तयार

सुर्खेत: सुर्खेतकी १६ वर्षीया इनिशा विकको शव २७ दिनपछि आफन्तले बुझ्ने भएका छन् । वीरेन्द्रनगर नगरपालिका–१ कि इनिशा गएको २३ फागुनमा मृत अवस्थामा फेला परेकी थिइन् । घटनापछि जिल्ला प्रहरी कार्यालय सुर्खेतले अनुसन्धान सुरु गरेको थियो । प्रारम्भिक रूपमा घटनालाई शंकाष्पद मानिए पनि पछि बलात्कारपछि हत्या भएको भन्दै प्रहरीले अनुसन्धान अघि बढाइएको थियो ।जिल्ला अदालत सुर्खेतले बलात्कार र हत्या प्रकरणमा चार जना अभियुक्तलाई बाल सुधार गृहमा पठाउने आदेश दिएपछि परिवार शव बुझ्न तयार भएको हो ।